اليوم الثاني : الأحد
التاريخ : ٧-١٢-١٤٣٦
بدا يومنا في تمام الساعه ٧ واخذنا لنا قهوه و شاهي و٣ كابتشينو ☕️. واكملنا رحلتنا الى الطائف لان الحملة ستذهب في مساء الاحد تحديد بعد صلاة العشاء و الان وانا اكتب باقي على الطائف ٤٦٦ كيلو
في تمام الساعه ١٠ صباحاً تم تغيير السائق طبعا ما فيه حيله ابو محمد الراهي على الجلسة نظام شيبان يقول اذا حطيت ظهري على السيت بحس بالنوم 😴. المهم من يوم ما ساق وهو فاصل مره يغني - ينشد - يشل شلات 🎶🎵 . و فجاة صامت بس لازم تكون العين مراقبه له بما ان له عوايد بالنوم اثناء القيادة. و الرحلة مستمره ٥ ساعات و باقي ساعه باذن الله ونتواجد بالطايف
طبعا النظرة لوحدها تكفي الخوف من نقطة التفتيش لان السؤال الي راح يواجهك وين متوجه و وش عندك ، طبعا من حسن الحظ ان السواق كان فهد و الخوف واضح من مسكت الدركسون لكن نحمدلله تم تجاوزهم بكل سلاسة لان الاخ فهد له عوايد في الكذب الابيض بس احيانا فيسه ما يساعده 😅. و دخلنا الطائف و الان متوجهين الى شقق نرتاح فيها و بعدها نتوجه الى مكة .
بينما نحن في طريقنا الى الشباب في ضيافة القهوة واجهنا احد الاشخاص الذين ينتظرون الحجاج لتوصيلهم الى الحرم. < طبعا ما فيه شيء ببلاش >.
ما اجمل الراحة بعد التعب طبعا اذا كان على حساب غيرك ☺️اجتمعنا بالشباب في محطة على طريق الطايف - مكة. واخذنا شقتهم لان تسليمها العصر و باقي وقت وهم شبعانين نوم فبدل لايسلمون الشقة نأخذها ونرتاح فيها لازم نحلل المبلغ :) . استرحنا في الشقة و تغدينا . و الان متوجهين الى الاستراحة بالشرائع - بمكة. لكن الانتظار لابد منه في الحياة .
الساعه الان : ٤:٣٥ مساءا
ونحن بنتظار الربع علشان تصاريح الحج معنا.
وش جابها معنا < لاتسئلوني 😐> طبعا الفكرة الان كيف ندور عذر علشان ندخل مكة بسيارتنا و بعده نرجع نحرم من الطائف انا و منصور . فهد موجود مع الشباب في الشقة ينتظرنا و الانتظار في الرحلات رائع 😔.
بعد ٤٠ دقيقة انتظار تقابلنا مع الشباب المتطوعين علشان نرتب الامور وطبعا هذي اصعب مهمه في التطوع كـ ( طباعة اسماء - تنسيق مع الحجاج وغيرها و هي ليست بالامور البسيطة )
