اليوم الثالث : الاثنين
التاريخ : ١٤٣٦/١٢/٧
المكان : قاعة البشائر للأفراح - مكة المكرمة
نحمد لله وصلنا القاعة في تمام الساعه ٢ صباحا. اول ما وصلت ما كنت احس بنفسي من آثار التعب نمت طبعا ولا صحيت الا على الساعه ٧ صباح بصراحة النومة اليئمة و الجو كان مهيأ و ممتاز.
بعد ما صحيت من النوم وصليت الفجر لقيت الشباب جايبين الفطور.
كنت مشتهي الفطور لكن الاخ راشد جاني و قال ضبط كشوفات الباصات علشان الحجاج يحصلون اسماءهم في الباصات وكل شخص يعرف رقم باصه. كان فطوري الاب توب و المكتب و تضبيط الاوراق بس اخذت الاب توب ورحت لحبيب القلب ( عويمر ) علشان يساعدني في الكشوفات ولا قصر معي.
بعد ما خلصنا الكشوفات طبعتها و باقي عليها بعض التعديل . في تمام الساعه ٣ بعد صلاه العصر تكلم الشيخ ابو عبدالرحمن ان الباصات بتمشي للحرم على الساعه ٤ طبعا الي بيركب الحاج المتمتع. وانا كنت متمتع لكن قال لي المشهور وش رايك نمشي لحالنا انا وانت بعد المغرب ولا العشاء علشان نشوف احتياجات الحجاج الي قعدو قلت ابدا ما عندي مشكلة. مشت الباصات وانا و المشهور جلسنا نخدم الموجدين من الحجاج. رحنا للمحطة نجيب اغراض وانا رحت اخذ لي حزام احرام وفجاة امطرت علينا و الغيم كثيف و الجو كان خيالي 💦☁️ سبحان الله هذي اول مره تمطر وانا بمكة شعور آخر بصراحه
بعد ما شرينا الاغراض واخذت حزامي ركبنا السياره بسرعه علشان المطر وانا مع الاخ احسبه يدل قال شغل الموقع وقلنا ماله الا google map
الشيخ قوقل يستاهل الكلمة لكن في تحديثه الاخير لكم عليه.
طبع تشوف النقطة اول ما وصلنا طلع الوصف غلط يعني قطعنا كم من كيلو اخر شيء طلع غلط بس دخلنا مره ثانية على الشيخ قوقل و رجعنا للقاعه ما قصر للامانة.
بعد ما وصلنا القاعه والجو خوقاقي على قولتهم رحت للمكتب علشان اطبع الكشوفات واعلقها في لوحة الاعلانات علشان كل الحجاج يتاكدون من اسماءهم الي ماهو موجود يضيف اسمه علشان نطبع كشف للباصات لان هذا حج ومعك ٣٠٠ حاج فلازم تحضر وتاكد من الموجود ولا ماهو موجود يعني نظام مدارس بالضبط 🙇🏻.
بعد تعليق الكشوفات استعد لجميع الاسئلة هذي حقت ايش ولا ليش حاطينه كل الاسئلة حاول تقبلها بصدر رحب . طبعا المشهور اكله قعد يبي يرتب الاوراق فجاة تجمعوا عليه الحجاج وين اسمي اكتب اسمي وغيره انا طلعت علشان يضبطون عمرهم لكن شف المشهور لحاله و بياكلها قلت ارجع اساعده ابرك. رجعت له وقمنا نكتب اسماء الي ماهم موجودين. وفيه ناس ما تدور اسمائها . يعطي نظره سريعه على الكشف و يقولك ما حصلت اسمي . واحد من الحجاج قال يا اخي ١٢ اسم معي ما حصلتهم اهلي واخوياي قلت اكيد توك مسجل قال لا من زمان قلت مستحيل ماهم موجودين قام يحلف قلت خلاص عطني اسماءهم اول ما ذكر لي اسماءهم حصلتهم كلهم. بعدها قلت لنفسي حاول انك تمسك اعصابك كلها كم من يوم و بتروح الحمدلله على كل حال ضبطت الامور وضفنا ١٠ اسماء فقط. يوم صارت الساعه ٨ قلت للمشهور وش علوم مشينا نعتمر و نخلص بحكم انها اول حجة لي وفي امور تجهلني فاحاول اكملي حجتي على اكمل وجه. المهم كل ماله يزيد الشغل وحسيت بالتعب قلت شكلها بنروح بكره تاريخ ٨/١٠ يوم الثلاثاء سالت الشيخ قال عادي ما فيه اشكال ان شاء الله.
في تمام الساعه ١٠ جاو الحجاج المتمتعين من الحرم بعد ما خلصو عمرتهم و جاو على وقت العشاء. قال لي ناصر بن سفر و المشهور وش رايك نروح نتعشى برا قلت قدام يوم طلعت معهم الا الاخ المطلاع راكب وشفت فيسه ( فيس مريض 😰 ) حزنت عليه حسبت حد مكدر خاطره شيء ولا الرجال مشتحن . قلت عسى خير ان شاء الله اشفيك زعلان قال ي ولد مقروف متعشى و قرفت من عشاي 😨 . تعريف ( القرفه ) : هي انك تشتهي تأكل لكن م تقدر تأكل لأن المعدة م تتقبل الاكل .
نزلت الصيدلية وجبت له ريبادوس حبوب مفعولة قوي اول ربع ساعه بعده ترقد رقده طويله متعبه. طبعا ابو هادي اكل حبه وشبك فيوزه وقام يسولف ونزل البقالة اخذ له لوزين وعصير و بعده خمد في السياره طبعا نومته نومة تعب. وحنا في السياره ندور على المطاعم نبي نسق مع مطعم جديد لان المطعم الي قبل بعض الحجاج يشتكون منه من ضمنه ابو هادي 😅. الحمدلله اني كنت مشغول ما اكلت منه المهم كنت مشتهي البيك لكن ماهو قريب منا اقرب واحد بينا و بينه مسافه ٢٤ دقيقة طبعا بعيد وانتظار سالفة
شفت مطعم تقريبا نفسه عنده دجاج مسحب قلت اجربه اخذت لي طلب وشاركني الاخ ناصر و المشهور وهم يقولون ما يبون بس الشكوى لله كل مشروك مبروك.
وبعده احلى نومه وانتهى هذا اليوم باجمله .
ليست هناك تعليقات:
إرسال تعليق